Birgaitze energetikorako laguntzak

    edificio

    Next funtsak Euskadi

    Zure etxebizitzaren edota eraikinaren birgaitze energetikorako laguntzak

    Alokairu sozialeko etxebizitzak eraikitzea

     

    eu-fondosnext

    logos-ministeriotransportes

    logo-planrecuperacion

    Eusko Jaurlaritza

    logo-visesa

    Next funtsak

    Berreskuratze, Eraldaketa eta Erresilientzia Planeko (PRTR) – Next Generation EU funtsak egoitza-birgaitzearen eta etxebizitza sozialaren arloko laguntza-programak urriaren 5eko 853/2021 Errege Dekretuan arautzen dira.

    Birgaitze energetikorako laguntzak

    2022ko ekainaren 30ean, EHAAn argitaratu zen laguntzen Agindua, Eusko Jaurlaritzako Lurralde Plangintza, Etxebizitza eta Garraioetako sailburuak sinatutakoa. Agindu horren bidez, bizitegi-eraikinak eta etxebizitzak birgaitu nahi dira, horien eraginkortasun energetikoa handitzeko. Bertan, oinarriak ezartzen dira eta laguntzen deialdia arautzen da.

    Erakundea: Eusko Jaurlaritzaren Etxebizitza eta Hiri Agenda Saila.

    Zer programa kudeatzen ditugu Visesan?

    Familia anitzeko eta etxebizitzek eraikinetan eraginkortasun energetikoa hobetzeko jarduketak (batez ere eraikinaren inguratzailean)

    Programa honen helburua da hirigunean eta landagunean nagusiki bizitegirako diren eraikinetako obrak edo jarduketak finantzatzea, baldin eta ziurtagiriaren bidez efizientzia energetikoa hobetzen bada. Arreta berezia jarriko zaie bizitegi kolektiboaren tipologia duten eraikinetan (etxebizitzak barne) eta familia bakarreko etxebizitzetan eraikuntza-inguratzaileari.


    Eraikinetan dauden etxebizitza partikularren eraginkortasun energetikoa hobetzeko jarduketak

    Programa honen xedea da etxebizitzetan efizientzia energetikoa hobetzeko jarduketak edo obrak finantzatzea, etxebizitza horiek familia bakarrekoak edo familia anitzeko eraikinetakoak izatearen kalterik gabe.


    Aurretiazko eraikinaren liburua egiteko laguntzak, batetik, birgaitzeko, eta, bestetik, birgaitze-proiektuak idazteko.

    Programa honen xedea da eraikina birgaitze aldera, aurretiazko eraikinaren liburua ezartzea eta orokortzea. Horretarako, dirulaguntza ematen da, eta helburu du liburua egingo duten profesionalen ordainsariei dagozkien gastuak estaltzea eta eraikinen birgaitze osorako proiektu teknikoak garatzea, betiere ezartzen diren mugen arabera. Eraikinetan kalitate handiko birgaitze energetikoaren eske adierazgarria aktibatu nahi da, Europako helburuak betetzeko eta epe ertain nahiz luzean eraikuntzaren sektorearen sustatzeko.

    Nola laguntzen dizugu Visesan? Gure zerbitzuak

    Herritarrei arreta emateko Visesaren bulegoek birgaitze-bulego gisa jarduten dute. Honako hauek egin ditzakegu:

    • Laguntza-programen eta -ildoen berri ematea (jarduketak eraikinean, jarduketak etxebizitzetan eta aurretiazko eraikinaren liburua/proiektuak egitea).
    • Laguntzak eskatzeko aholkuak ematea aurrez aurre edo telefonoz, zalantzak argitzeko eta laguntzen baldintza eta eskakizunei buruz orientatzeko.
    • Laguntzak eskuratzeko eskaerak aurkezten laguntzea.

    Informazio gehiago nahi duzu?


    Eraikinetan alokairu sozialeko etxebizitzen eraikuntza

    Visesa energiari dagokionez eraginkorrak diren eraikinetan alokairu sozialeko etxebizitzak eraikitzeko laguntza-programaren onuraduna da (6. programa), eta, esparru horretan, honako sustapen hauek sustatzen ari gara:

    Berreskuratze, Eraldaketa eta Erresilientzia Planak (PRTR) finantzatutako sustapenak, energetikoki eraginkorrak diren eraikinetan alokairu sozialeko etxebizitzak eraikitzen laguntzeko programaren bidez (P6-RD853/2021).

    Iruzurraren aurkako Plana

    Europako Parlamentuaren eta Kontseiluaren 2021/241 (EB) Erregelamenduak, 2021eko otsailaren 12koak, Berreskuratze eta Erresilientzia Mekanismoa ezartzen duenak, 22. artikuluan xedatzen du estatu kideen betebeharra dela Europar Batasunaren finantza-interesak babestea, eta neurri egokiak hartzea iruzurra, ustelkeria eta interes-gatazkak prebenitzeko, hautemateko eta zuzentzeko.

    Berreskuratze, Eraldaketa eta Erresilientzia Planean planteatutako ekimenak gauzatzeko, administrazio publikoek kudeaketa-prozedurak eta kontrol-eredua egokitu behar dituzte. Arintze-neurri batzuk abenduaren 30eko 36/2020 Errege Lege Dekretuaren bidez ezarri ziren, zeinak Administrazio Publikoa modernizatzeko eta Berreskuratze, Eraldaketa eta Erresilientzia Plana gauzatzeko premiazko neurriak onartzen dituen.

    Gainera, Europako Batzordeko Zerbitzuetarako ordainketa-eskaeren tramitazio eraginkorra errazteko kudeaketa-sistema baten garapenean, irailaren 29ko HFP/1030/2021 Agindua onartu da, Berreskuratze, Eraldaketa eta Erresilientzia Planaren kudeaketa-sistema konfiguratzen duena. 6. artikuluan iruzurraren aurkako neurrien plan bat idaztea eskatzen du Berreskuratze eta Erresilientzia Mekanismoko (MRR) funtsak kudeatzen dituen erakunde bakoitzarentzat, iruzurra, ustelkeria eta interes-gatazkak prebenitu, hauteman eta zuzentzeko.


    Suspertze eta Erresilientzia Mekanismoarekin (SEM) finantzatutako jarduerekin lotuta egin daitezkeen salaketei erantzuteko, eta, gainera, iruzurraren aurkako, interes-gatazkako, finantzaketa bikoitzeko eta estatu-laguntzetako eta ingurumenari kalte adierazgarririk ez egitearen arloko eskakizunak betetzeari buruzko neurrien planean xedatutakoa betetzeko, postontzi elektroniko bat prestatu da (buzon-mrr@euskadi.eus) eragile eta herritarrei irekia dagoena.

    Postontzi elektroniko horretan jasotako komunikazioak berariazko protokolo baten bidez tratatuko dira, salatzaileen nortasuna babesteko. Egindako salaketak kualifikazio berezia duten eta eginkizun horretara bideratuko diren langileek ikertuko dituzte.

    Iruzur posibleren bat detektatuz gero, edo horren susmo oinarriduna dagoenean, erakunde betearazleek konpromisoa hartzen dute ahalik eta eperik laburrenean jakinaraziko dietela antzemandako iruzurra edo iruzurraren susmo oinarriduna bai erakunde interesdunei bai inplikatutako erakundeei. Erakunde interesdunak dira Iruzurraren Aurkako Koordinazio Zerbitzu Nazionala (SNCA), Iruzurraren Aurkako Borrokarako Europako Bulegoa (OLAF), fiskaltza eta auzitegi eskudunak. Inplikatutako erakundeak, berriz, erakunde betearazlea eta kudeaketa-organoak izango dira.


    Gobernu Kontseiluak, 2022ko martxoaren 29an, neurrien plan bat onartu du Berreskuratze eta Erresilientzia Mekanismoaren baliabideekin finantzatutako ekimenetarako eskatzen diren betekizunak, iruzurraren aurkako borrokari, interes-gatazkei, finantzaketa bikoitzari eta estatu-laguntzei buruzkoak, eta ingurumenari kalte esanguratsurik ez egitekoak, betetzeko. Plan hori Berreskuratze, Eraldaketa eta Erresilientzia Plana (BEEP) gauzatzerakoan eskatzen da, baita iruzurraren aurkako Eusko Jaurlaritzaren konpromisoa bere gain hartzen duen Adierazpen Instituzionala betetzeko ere.

    Ekonomia eta Ogasuneko sailburuaren 2022ko abenduaren 22ko Aginduaren bidez, aldatu egin da iruzurraren aurkako neurrien planaren aplikazio-eremua.

    Ekonomia eta Ogasuneko sailburuaren 2023ko otsailaren 2ko Aginduaren bidez, aldatu egin da iruzurraren aurkako neurrien planaren 4. apartatua ("Interes-gatazkak saihesteko prozesuak eta tresnak"), X, XI eta XII eranskinak gehitzen dira eta "Arriskuak puntuatzeko tresna"ri (ARACHNE ) buruzko aipamen guztiak ezabatu dira.

    • Iruzurraren aurkako neurrien plana

    Berreskuratze, Eraldaketa eta Erresilientzia Plana gauzatzean eskatzen diren betekizunak, iruzurraren aurkako borrokari, interes-gatazkei, finantzaketa bikoitzari eta estatu-laguntzei buruzkoak, eta ingurumenari kalte esanguratsurik ez egitekoak, betetzen ditu.


    • Adierazpen instituzionala

    Iruzurraren aurka borrokatzeko konpromisoa, Berreskuratze eta Erresilientzia Mekanismo europarraren funtsekin finantzatutako ekimenak gauzatzearen esparruan.


    • Printzipio etikoak

    Sailen arteko Batzordeak, 2022ko martxoaren 18ko bilkuran, Berreskuratze eta Erresilientzia Mekanismoari buruzko Etika eta Jokabide Printzipioak onartu ditu.