Proiektu estrategikoak

    Proiektu estrategikoak

    Proyecto Zorrotzaurre

    Zorrotzaurre

    Bizitzeko, lan egiteko eta gozatzeko uhartea

    Zorrotzaurreko proiektua Bilboko garrantzitsuenetakoa da. Hasiera batean Zaha Hadid arkitektoak diseinatu zuen, eta egun dagoen hiria berrerabiltzen du uhartea auzo jasangarria eta hiriko gainerako lekuekin ondo konektatua izan dadin.

    5.620 etxebizitza inguru izango ditu; horietatik erdia babestuak izango dira eta Visesak 922 sustatuko ditu eta 266 Eusko Jaurlaritzak; Eusko Jaurlaritzak, gainera, alokairuko 57 zuzkidura-bizitoki sustatuko ditu.

    Ezagutu gehiago Zorrotzaurre proiektuari buruz

    Proyecto Bolueta

    Bolueta

    Passivhaus etxebizitza publikoak

    Bilboko Bolueta 421. banaketa-arearako proiektua erabiltzen ez diren lurzoru industrialak berreskuratzeko beharretik sortu da, eremu osoa eraldatzeko eta auzo jasangarri eta moderno bihurtzeko.

    Bolueta eraikuntzaren aldetik nabarmentzen da, diseinu arkitektoniko aurreratu eta jasangarria baitu, energia aurreztea eta material naturalekin eraikitzea azpimarratzen dituena. Horrez gain, gizartea biziberritzeko proiektu bat da; izan ere, Boluetako 1.100 etxebizitzetatik 680 babestuak izango dira.

    Ezagutu gehiago Bolueta proiektuari buruz

    Proyecto Sestao Vega-Galindo

    Sestao Vega-Galindo

    Eremu narriatu baten eraldaketa

    Vega-Galindo proiektuaren helburua da Sestaoko bizitegi-eremu narriatu bat eraldatu eta hobetzea, eta, aldi berean, babes publikoko etxebizitzak sortzea.

    Proiektuan aurreikusita dago 1.351 etxebizitza eraikitzea La Puntan; horietako 946 babes publikokoak izango dira eta Visesak 625 sustatuko ditu.

    Ezagutu gehiago Sestao Vega-Galindo proiektuari buruz

    SmartEnCity – Coronación

    SmartEnCity – Koroatzea

    Auzo baten birgaitze energetikoa

    SmartEnCity proiektua Europako “Hiri eta erkidego adimendunak” programaren barruan dago. Haren helburua da CO2 gabeko hiriak sortzeko estrategia bateratu bat diseinatzea. Programa horretan, Vitoria-Gasteiz eredu izan da energia-eraginkortasuneko, mugikortasun jasangarriko eta informazioaren eta komunikazioaren teknologietako (IKT) irtenbideen aplikazioan.

    Visesan 302 etxebizitzen birgaitze energetikoa gauzatu dugu, hau da, guztira 26 auzokideen komunitate.

    Ezagutu gehiago SmartEnCity – Koroatzea proiektuari buruz

    Bolueta

    Bilboko 421. Banaketa-arean kokatuta dago, eta hiri- nahiz ingurumen-berrikuntzarako oinarrizko proiektua da. Izan ere, erabiltzen ez den industrialdea bizitegi-eremu bihurtzen du hiria aberasteari begira.

    Halaber, proiektuak gizarte-berroneratzeari erreparatzen dio. Hala, 1.100 etxebizitzetatik 680 administrazio publikoak egingo ditu babes publikoaren araubideen pean.

    Herritarren partaidetza funtsezkoa izan zen Bolueta diseinatzeko orduan. Ia 12.000 pertsonak hartu zuten parte prozesuan, eta erkidegoaren beharrak nahiz lehentasunak islatu zituzten.

    Eraikuntza aintzat hartuta, proiektua energia aurrezteko eta material naturalak eta jasangarriak erabiltzeko ikuspegiagatik nabarmentzen da. Bolueta garatzeak onurak ditu ekonomiaren, gizartearen eta ingurumenaren arloetan.

    Ingurumenaren ikuspuntutik, oso aldatuta dagoen lurzorua bizitegi-erabilera berrirako berreskuratzen da, aire zabaleko eremuak sortzen dira, ibaiertzeko pasealekuaz gain, eta garraio kolektiboa, oinez egindakoa eta bizikleta bitarteko duena sustatzen dira.

    Energia-eraginkortasuneko neurriak oso garrantzitsuak dira proiektu hau garatzeko. Eraikinek instalazio kolektiboak dituzte beren beharren % 75 asetze aldera, eta, ondorioz, energia gutxiago kontsumitzen da. Diseinuan Passivhausen 5 printzipioak aplikatzen dira: isolamendua hobetzea, zubi termikoak murriztea, airearekiko estankotasuna, berariazko arotzeriak espezifikoak eta beroa berreskuratzeko aireztapena.

    Eraikinen ikuskerak ekonomian ere eragiten du, etxebizitzek urte osoan berokuntzan gutxieneko gastua edo nulua lortzen baitute. Kontsumoa % 75 murrizten da eta A kalifikazio energetikora iristen da. Horrez gain, diseinua trinkoa denez, elementu komunen mantentze-lanen gastuak optimizatu egiten dira.

    Proiektuaren gizarte-izaerak bere isla du etxebizitza babestuaren programan, hiru aldiz gainditzen baita legez eskatutako ehunekoa. Gainera, industria-arkeologiako elementuak, hala nola Fundiciones Santa Ana enpresaren tximinia, berreskuratzeari esker, tokiaren historia errespetatzen da.

    Proiektu hau “Nazio Batuen Jardunbide Egokien X. Nazioarteko Lehiaketan” Best Practice kalifikazioarekin aintzatetsi da, batetik, hiri-kudeaketa bikaina izan delako eta, bestetik, industria-iragana zuen auzoa pertsonen eta hiriaren onurarako eraldatu eta berreskuratu delako.

    Orain arte, Visesak Boluetan bi sustapen eraiki ditu. Batek salmentako babes ofizialeko 108 etxebizitza ditu eta 63 alokairuko gizarte-laguntzako etxebizitzak dira. Besteak, salmentako babes ofizialeko 190 etxebizitza ditu. Biak PassivHausen estandarren pean eraiki dira. Gaur egun, alokairuko babes ofizialeko 144 etxebizitzen hirugarren sustapena eraikitzen ari da eta alokairuko babes ofizialeko 175 etxebizitzako (BOE) beste sustapen bat du proiektuan.